Hinweis

Für dieses multimediale Reportage-Format nutzen wir neben Texten und Fotos auch Audios und Videos. Daher sollten die Lautsprecher des Systems eingeschaltet sein.

Mit dem Mausrad oder den Pfeiltasten auf der Tastatur wird die jeweils nächste Kapitelseite aufgerufen.

Durch Wischen wird die jeweils nächste Kapitelseite aufgerufen.

Los geht's

La diplomazia en il decurs dal temp

Logo https://admin.media-flow.ch/la-diplomazia-en-il-decurs-dal-temp

Cumenzament

Deutsch   ,Français    Italiano

«La diplomazia è eterogena, ella n'ha betg lieu mo sin il tarpun cotschen, en conferenzas u a chaschun da retschaviments. La diplomazia ha lieu avant, durant e suenter las tractativas. La diplomazia etablescha relaziuns e collia; ella po evitar conflicts ed intermediar, nua ch'i na vegn betg pli discurrì. La diplomazia n'è mai statica.»


Missiva dal cusseglier federal Ignazio Cassis

Zum Anfang

Ils cumenzaments da la diplomazia

Zum Anfang

Las represchentanzas

Zum Anfang

Visitas

Nach oben scrollen
Nach links scrollen
Nach rechts scrollen
Nach unten scrollen
Zum Anfang
Nach oben scrollen
Nach links scrollen
Nach rechts scrollen
Nach unten scrollen
Zum Anfang

Events e ceremonias

Zum Anfang

Multilateralissem

Zum Anfang

Buns servetschs

Zum Anfang

Agid umanitar

Zum Anfang
Zum Anfang

Die ersten Vertreter der Diplomatie

Numa Droz (1844–1899) è vegnì elegì il december 1875 en la vegliadetgna da 31 onns sco cusseglier federal ed ha surpiglià il Departament da l'intern. Ils onns 1881 e 1887 è el stà president da la Confederaziun e, sco usità da quel temp, schef dal Departament politic. Empè da puspè surpigliar ses departament oriund, ha el rut la fin da l'onn 1887 cun la tradiziun ed è restà schef dal Departament politic fin a sia demissiun l'onn 1892.

Zum Anfang
Il cusseglier naziunal Johann Konrad Kern (1808–1888) ha fatg ses emprims pass sin il palc internaziunal sco incumbensà spezial da la Svizra a Vienna l'onn 1848. A chaschun da l'Affera da Neuchâtel (1856–1857) ha el mussà sco represchentant diplomatic spezial da la Svizra grond inschign tar las tractativas a Paris. L'onn 1857 è el vegnì numnà dal Cussegl federal ambassadur extraordinari e minister cun plenipotenza da la Svizra a Paris ed ha occupà quest post diplomatic impurtant fin l'onn 1883. El vala sco il fundatur da la diplomazia professiunala da la Svizra.

Zum Anfang
Il diplomat e giurist svizzer Alfred de Claparède (1842–1922) è stà dal 1869 fin il 1888 a Berlin ed è daventà l'onn 1883 incaricà da fatschentas a Vienna. Pli tard è el stà minister svizzer a Washington (1888–1893), a Vienna (1893) ed a Berlin (1904–1917). El vala sco in dals emprims diplomats professiunals da la Svizra: cuntrari a ses collegas n'era el numnadamain betg er anc parlamentari.


Zum Anfang
Il cusseglier federal Giuseppe Motta (1871-1940) cun il marschal franzos Philippe Pétain (1856-1951), victur da la battaglia da Verdun (21 da favrer-19 da december 1916) durant il defilé da l'Armada svizra ils 9 da settember 1937 a Le Mont-sur-Lausanne.

Zum Anfang

7.1. Aiuti di emergenza

Intgins schuldads blessads viagian durant la Segunda Guerra mundiala cun la viafier tras la Svizra. Els vegnan retschavids e tgirads da tgirunzas.

Zum Anfang
Schuldads blessads vegnan transportads tras la Svizra en in tren da las Viafiers federalas e da la Crusch Cotschna Svizra.

Zum Anfang
L'onn 1940 ha la Germania occupà la Norvegia e fundà il «Reichskommissariat» Norvegia. Cun la liberaziun dal pajais l'onn 1945 ha cumenzà in temp da l'agid umanitar da tut il mund. Er la Svizra è sa participada.
Zum Anfang
Persunas basegnusas davant las baraccas da la «Donaziun svizra» a Cologna suenter la Segunda Guerra mundiala. Tenor la missiva dal Cussegl federal dal 1. da december 1944 dueva la «Donaziun svizra» pussibilitar da demussar la solidaritad da la populaziun svizra cun tut las victimas da la Segunda Guerra mundiala. L'acziun da rimnada ha durà da 1944 fin 1948.
Zum Anfang
Agid medicinal dal CICC en il territori da crisa dal Bengal, India. In medi svizzer examinescha in uffant sin ina simpla maisa al liber – la medischina necessaria è pronta dasperas.

Zum Anfang
Hanoi, Vietnam dal Nord, anteriura Indochina: Il delegà dal CICC André Durand (1912-2008) visita persunas blessadas en in lazaret. Da 1962 fin 1970 è Durand stà delegà general per il CICC en l'Asia ed ha manà la missiun speziala dal CICC en il Giapun. Da 1970 fin 1977 ha el scrit il segund tom da l'istorgia dal CICC, «De Sarajevo à Hiroshima», ch'è vegnì publitgà l'onn 1978 da l'Institut Henry Dunant.

Zum Anfang
Exposiziun dal UNHCR davart missiuns d'agid e davart dumondas da fugitivs a Genevra. Sin il maletg l'autcumissari dal UNHCR Gerrit Jan van Heuven Goedhart (1901-1956) a chaschun d'ina visita. El era in diplomat, schurnalist e politicher ollandais ed è vegnì nominà ils 14 da december 1950 sco emprim autcumissari per ils fugitivs en l'istorgia da las Naziuns Unidas.
Zum Anfang
Rimnada da vestgadira e da rauba d'agid a Berna per las victimas da la revolta ungaraisa. La revolta ungaraisa cunter il reschim sovietic en il pajais ha durà dals 23 d'october 1956 fin ils 11 da november 1956. Tschientmillis d'Ungaraisas ed Ungarais han bandunà lur pajais e tschertgà refugi en pajais da l'Europa dal Vest.

Zum Anfang
En l'edifizi da la Crusch Cotschna a Genevra: Emploiadas ed emploiads a chaschun d'ina discussiun davart la situaziun per l'acziun d'agid a Banja Luka, anteriura Jugoslavia. Er la vestgadira permetta da datar questa fotografia en ils onns sessanta. Da quel temp vegnivi anc fimà en ils biros…

Zum Anfang
Biafra, Nigeria: Acziun d'agid per las victimas da la regiun turmentada da fomaz e da guerra civila. In medi cun l'emblem da la Crusch Cotschna dischinfectescha uffants.

Zum Anfang
Ndjamena, Tschad: Discussiun dal Corp svizzer d'agid umanitar (CSA) davart la situaziun per sia emprima acziun en il Sahel. A partir da 1962 è l'agid al lieu vegnì rinforzà cuntinuadamain, l'emprim grazia ad organisaziuns privatas ed a missiuns religiusas, pli tard tras l'agid umanitar da la Confederaziun en ils secturs dal svilup rural, da la furmaziun e da la sanadad.

Zum Anfang
Conferenza da pressa a chaschun da la transmissiun da schuldads svizzers betg unifurmads e betg armads, previs per accumpagnar in convoi d'agid en l'Uniun sovietica. Da sanestra a dretga: cusseglier federal René Felber (1933-2020), schef dal Departament federal d'affars exteriurs (DFAE), vicechancelier da la Confederaziun Achille Casanova (1941-2016) sco er cusseglier federal Kaspar Villiger (1941), schef dal Departament federal da militar (DFM).
Zum Anfang
Suenter il terratrembel dal 1. da matg 2003 en Tirchia tschertga in chaun dal Corp svizzer d'agid umanitar persunas sutterradas.

Zum Anfang
Il 1. d'october 2009 sa preparan var 120 gidantras e gidanters per la missiun d'agid en l'Indonesia ch'è vegnida pertutgada d'in terratrembel da la fermezza 7,6 e d'in grond tsunami. A la basa da la Rega sin la plazza aviatica da Turitg survegnan las commembras ed ils commembers dal Corp svizzer d'agid umanitar (CSA) l'equipament necessari per lur engaschi.


Zum Anfang
Suenter il terratrembel davant la costa da Sumatra tschertgan commembers da la chadaina da salvament svizra cun chauns persunas sutterradas en la citad indonesiana Padang, 3 d'october 2009.


Zum Anfang
Suenter il terratrembel davant la costa da Sumatra tschertgan commembers da la chadaina da salvament svizra cun chauns persunas sutterradas en la citad indonesiana Padang, 3 d'october 2009.

Zum Anfang
Ils convois d'agid svizzers cun material medicinal per cumbatter la tuberculosa èn pronts ils 3 da settember 2014 per il transport a Luhansk (Ucraina).

Zum Anfang
In team dal Corp svizzer d'agid umanitar è viagià en l'Ecuador per gidar las victimas dal terratrembel dals 16 d'avrigl 2016. La fotografia mussa las preparaziuns per reparter canisters d'aua a la populaziun.


Zum Anfang
La Direcziun da svilup e da cooperaziun (DSC) dal Departament federal d'affars exteriurs (DFAE) surdat ils 18 da fanadur 2016 dudesch novas ambulanzas a la Mesaglina Cotschna araba siriana (SARC).
Zum Anfang
Las forzas d'acziun dal Corp svizzer d'agid umanitar (CSA) sa preparan ils 4 d'october 2018 a l'eroport da Berna-Belp per il sgol a Sulawesi (Indonesia). L'agid umanitar da la Confederaziun trametta in team da tschintg expertas ed experts e 900 kilos material en la regiun ch'è pertutgada d'in terratrembel e d'in tsunami.

Zum Anfang

Affera da Neuchâtel

Plan dal chastè da Neuchâtel e da ses conturns durant l'Affera da Neuchâtel, 1856–1857. En l'Affera da Neuchâtel, in conflict istoric impurtant, en sa scuntrads la Confederaziun e la Prussia. Il conflict è vegnì chaschunà tras la revoluziun da l'onn 1848 che ha manà il medem onn a la proclamaziun da la Republica da Neuchâtel.

Zum Anfang
En la proclamaziun dals 3 da schaner 1857 ha il president da la Confederaziun Constant Fornerod (1819–1899) proclamà al pievel Svizzer en num dal Cussegl federal l'accumadaziun paschaivla da l'Affera da Neuchâtel (1856–1857).

Sin supplica da Napoleon III. (1808–1873) ha la Prussia spustà ed alura definitivamain terminà la mobilisaziun. Il mars 1857 è suandada la Conferenza da Paris da las pussanzas grondas, a las qualas il cusseglier naziunal Johann Konrad Kern (1808–1888) ha participà sco represchentant dal Cussegl federal. Il conflict è la fin finala vegnì terminà cun la renunzia dal retg Friedrich Wilhelm IV. (1795–1861) a ses possess a Neuchâtel. Che la Svizra n'ha la finala betg defendì ses dretgs militaricamain, mabain ha surlaschà ses destin a la diplomazia internaziunala, è vegnì crititgà per part fermamain en la publicitad svizra.


Zum Anfang

Il president da la Confederaziun Giuseppe Motta (1871–1940) è stà durant in viadi privat tras l'Italia, la Grezia, la Palestina (sut mandat britannic fin l'onn 1948) e l'Egipta la fin da mars 1937 a Nazaret, Israel. Là è el sa participà ad ina sairada privata cun musica palestinaisa.


Zum Anfang

Corp diplomatic ester en Svizra

Il president da la Confederaziun Max Petitpierre (1899–1994) beneventa Dhirajlal Bhulabhai Desai (1908–1951), l'emprim ambassadur da l'India en Svizra, al bainvegni da Bumaun, schaner 1950.

Zum Anfang
Il president da la Confederaziun Max Petitpierre (1899–1994) beneventa l'ambassadur chinais Wu Nan-Ju al bainvegni da Bumaun, schaner 1950.

Zum Anfang
Lou Kaddar, cussegliadra da l'ambassadur israelian Eliahu Sasson (1902–1978), surdat al president da la Confederaziun Friedrich Traugott Wahlen (1899–1985) ses megliers giavischs e quels da ses pajais.

Zum Anfang
Il Cussegl federal envida las scheffas ed ils schefs da missiun ch'èn accreditads a Berna, mintga onn ad ina tschaina, a la quala sa participeschan fin 200 persunas. L'ambassadur tailandais Chitti Sucharitakul e sia consorta vegnan beneventads l'onn 1961 dal president da la Confederaziun Friedrich Traugott Wahlen (1899–1985).

Zum Anfang
Il president da la Confederaziun Ludwig von Moos (1910–1990) ed il schef da protocol Charles-Albert Wetterwald (1916–1999) dattan il bainvegni a las commembras ed als commembers vestids en moda festiva dal corp diplomatic al bainvegni da Bumaun dal 1. da schaner 1969.

Zum Anfang
Al bainvegni da Bumaun per il corp diplomatic sa participescha mintgamai er il doyen dal corp. La fotografia mussa il nunzi apostolic Edoardo Rovida (1927) cun il president da la Confederaziun Alphons Egli (1924–2016) e cun il schef da protocol Johannes Jakob Manz (1938) al bainvegni da Bumaun en la Chasa federala, schaner 1986.


Zum Anfang
Emploiadas ed emploiads federals rasan ora il tarpun cotschen per il bainvegni da Bumaun per il corp diplomatic, 9 da schaner 1986.

Zum Anfang
Il president da la Confederaziun Flavio Cotti (1939–2020) salva in pled davant il corp diplomatic reunì a chaschun dal bainvegni da Bumaun en la Chasa federala, 1991.

Zum Anfang
Ruth Dreifuss (1940), emprima presidenta da la Confederaziun da la Svizra, beneventa ils 11 da schaner 1999 las represchentantas ed ils represchentants dal corp diplomatic dal Giapun al bainvegni da Bumaun.

Zum Anfang
Jinyi Dong, l'ambassadur chinais en Svizra, ed il president da la Confederaziun Pascal Couchepin (1942) contemplan ils 25 d'avrigl 2008 la lavur d'ina emploiada da la firma Maxon Motor. Var 200 ambassaduras ed ambassadurs accreditads a Berna visitan l'interpresa da hightec a Sachseln sin invit dal president da la Confederaziun Pascal Couchepin e da la cussegliera federala Micheline Calmy-Rey (1945).


Zum Anfang
L'ambassadura Nathalie Marti, scheffa da protocol dal 2012 fin il 2016, salida ils commembers dal corp diplomatic d'Eswatini.

Zum Anfang

1.3. Die ersten fotografischen Aufnahmen der Diplomatie

Wilhelm II. (1859–1941), imperatur da la Germania e retg da la Prussia, a chaschun d'ina visita uffiziala en Svizra. Suenter ch'el è sa participà cun ses persunal accumpagnant a la parada da la cumpagnia d'onur dal 6. battagliun da tiradurs, è el sa laschà fotografar sin la plazza da la staziun a Turitg ensemen cun il president da la Confederaziun Ludwig Forrer (1845–1921) e cun ils cussegliers federals Giuseppe Motta (1871–1940) ed Arthur Hoffmann (1857–1927).


Zum Anfang
Wilhelm II. (1859–1941), imperatur da la Germania e retg da la Prussia, a chaschun d'ina visita uffiziala en Svizra il settember 1912 ensemen cun il president da la Confederaziun Ludwig Forrer (1845–1921) davant la catedrala da Berna.

Zum Anfang
Foto da gruppa da tut las collavuraturas e collavuraturs da l'ambassada svizra a Washington l'onn 1918.

Zum Anfang

Accra

Il biro en il consulat svizzer ad Accra, Ghana, 15 da november 1949

Zum Anfang

1963 Kennedy Februar

Brev cun l'invitaziun dal 35. president american John F. Kennedy (1917–1963) en la Chasa alva per l'ambassadur Alfred Zehnder (1900–1983) ils 21 da favrer 1963.

Zum Anfang
L'ambassadur Alfred Zehnder (1900–1983) en accumpagnament dal 35. president american John F. Kennedy (1917–1963) a chaschun da sia visita da preschentaziun ils 5 d'avrigl 1963 en il portic da la Chasa alva.

Zum Anfang

1961

Durant sia visita uffiziala da la Svizra il fanadur 1961 stat il president da la Republica Federala Tudestga Heinrich Lübke (1894–1972) ensemen cun il president da la Confederaziun Friedrich Traugott Wahlen (1899–1985) en vestgadira festiva sin la stgala da la Chasa federala.


Zum Anfang
Durant sia visita uffiziala da la Svizra salida il president da la Republica Federala Tudestga Heinrich Lübke (1894–1972) ils 6 da fanadur 1961 ina brajada d'uffants en il vitg bernais Etzelkofen.

Zum Anfang

Minister- und Botschafterkonferenzen

Plan cun l'urden da seser protocollaric per il dinner diplomatic dals 9 da matg 1950.

Zum Anfang
Il cusseglier federal Max Petitpierre (1899–1994), schef dal corp diplomatic, salva l'onn 1949 la Conferenza da las ministras e dals ministers annuala en la Chasa federala.


Zum Anfang
Il president da la Confederaziun Friedrich Traugott Wahlen (1899–1985) cun ambassadurs durant l'excursiun annuala. La fotografia fatga l'onn 1961 mussa il president da la Confederaziun Wahlen cun ina chaschola da chaschiel d'Emmental a Langnau.

Zum Anfang
Cura ch'il DPF – oz DFAE – ha introducì il 1956 in examen d'admissiun per ils potenzials diplomats, è questa via professiunala vegnida libra er per las dunnas. L'onn 2019 eran 30 da las totalmain 155 ambassaduras ed ambassadurs dunnas.

Zum Anfang

6.2. Missione in Corea

Ina delegaziun dal Comité internaziunal da la Crusch Cotschna sut la direcziun da dr. Otto Lehner (1898–1977) è vegnida envidada sco observatura neutrala a las preparaziuns per in barat da praschuniers tranter la ONU e la Corea dal Nord. Dr. Otto Lehner discuta cun il maior general Lee Sang Oho (1915-1996) che ha suttascrit il barat da praschuniers.


Zum Anfang
La Svizra aveva decidì da trametter – ensemen cun la Svezia – schuldads betg armads che duevan survegliar che l'armistizi tranter las duas Coreas vegnia observà. Actualmain sa chattan anc tschintg schuldads en la zona demilitarisada tranter ils dus stadis coreans.

Zum Anfang
Litinent René Häusler e litinent Daniel Furrer stattan davant l'entrada dal camp svizzer-svedais a Panmunjom, 19 da fanadur 1983. Panmunjom sa chatta sin il cunfin tranter la Corea dal Sid e la Corea dal Nord, nua che l'armistizi è vegnì suttascrit l'onn 1953 per terminar la guerra da la Corea (1950–1953). La Svizra e la Svezia appartegnan a la Cumissiun da surveglianza neutrala (NNSC) che surveglia che l'armistizi tranter las duas Coreas vegnia observà.


Zum Anfang
La cussegliera federala Micheline Calmy-Rey (1945) è stada l'emprima commembra d'ina regenza estra che ha traversà ils 20 da matg 2003 a Panmunjom la lingia da demarcaziun tranter la Corea dal Sid e dal Nord.

Zum Anfang

Die ersten Frauen in der Diplomatie

Francesca Pometta è stada l'emprima dunna svizra che ha fatg ina carriera diplomatica ed er l'emprima ambassadura da la Svizra. Dal 1982 fin il 1987 ha ella manà la Missiun svizra d'observaziun tar la ONU a New York. Dal 1987 fin il 1991 è ella stada l'ambassadura svizra en l'Italia, a Malta ed a San Marino sco er tar la FAO.

Zum Anfang
Marianne von Grünigen (1936) è stada dal 1987 fin il 1997 ambassadura svizra en Finlanda, en Egipta ed accredità en il Sudan. L'onn 1997 ha ella surpiglià la direcziun da la delegaziun svizra tar l'Organisaziun per la segirezza e la collavuraziun en l'Europa (OSCE) e tar la Missiun permanenta da la Svizra tar las Naziuns Unidas e tar las organisaziuns internaziunalas a Vienna. Suenter Francesca Pometta (1926–2016) è ella stada la segunda dunna en la diplomazia svizra.


Zum Anfang
La cussegliera federala Elisabeth Kopp (1936-2023) è sa scuntrada cun il president american Ronald Reagan (1911–2004) a chaschun da sia visita a Washington ils 9 da november 1987.

Zum Anfang
La cussegliera federala Micheline Calmy-Rey (1945) retschaiva las duas Svizras ed ils dus Svizzers ch'èn vegnids tegnids en fermanza d'islamists algerians en la Sahara ensemen cun burgaisas e burgais tudestgs ed ollandais durant quasi sis mais. La liberaziun è reussida grazia a stentas communablas e diplomaticas.

Zum Anfang
L'anteriur secretari general da la ONU Kofi Annan (1938–2018) discutescha cun l'anteriura presidenta da la Confederaziun Ruth Dreifuss (1940) avant la surdada da la medaglia «Genève Reconnaissante» ils 28 da matg 2009 a Genevra. Las duas persunalitads èn vegnidas undradas da la Regenza da la citad da Genevra pervia da lur engaschament e da lur solidaritad envers las persunas las pli flaivlas e basegnusas sco er pervia da lur contribuziun a la reputaziun da la citad da Genevra.

Zum Anfang
Il Cussegl federal ha nominà l'onn 2014 dunna Pascale Baeriswyl sco ambassadura. Dal 2016 fin il 2019 è ella stada l'emprima secretaria da stadi tar il DFAE. Dapi l'onn 2020 è ella scheffa da la Missiun permanenta da la Svizra tar las Naziuns Unidas.
Zum Anfang
La secretaria da stadi Livia Leu (1961) è stada l'emprima ambassadura svizra en l'Iran (2009–2013). Dal 2013 fin il 2018 è ella stada la delegada dal Cussegl federal per contracts da commerzi tar il Secretariat da stadi per l'economia (SECO). L'onn 2018 ha ella midà, sco emprima ambassadura svizra, en Frantscha, nua ch'ella è restada fin l'onn 2020.
Zum Anfang

1965

Il retg dal Danemarc Frederik IX. (1899–1972) e sia consorta princessa Ingrid da la Svezia (1910–2000) sa scuntran en la Chasa federala cun il cusseglier federal Friedrich Traugott Wahlen (1899–1985) durant ina visita uffiziala en Svizra il settember 1965.


Zum Anfang
Tgi sesa sper tgi? Co è la dispoisziun da las maisas? Tge flurs èn adattadas? Cura èsi d'envidar las chandailas? La preparaziun d'in banchet dependa da mintga detagl! Responsabel per quai è il protocol.

Zum Anfang

Übergabe des Beglaubigungsschreibens

L'ambassadur Alfred Zehnder (1900–1983) a chaschun da la surdada da l'accreditiv en la Chasa alva, 21 da favrer 1963.

Zum Anfang
L'ambassadur Pascal Frochaux (1912–2010) cun il president senegalais Léopold Sédar Senghor (1906–2001) e cun ses collavuraturs – minister da l'exteriur, schef dal protocol presidial e schef dal protocol exteriur – tar la surdada da l'accreditiv, 1966.

Zum Anfang
Ils 13 da schaner 1999 contempla Flavio Cotti (1939–2020), ensemen cun il schef dal protocol, il signur ambassadur Daniel von Muralt, il tarpun da paraid cun ses purtret en il Salon de la présidence. Anc il medem di communitgescha el sia demissiun.

Zum Anfang
Alexis Lautenberg (1945), ambassadur svizzer en la Gronda Britannia ed en l'Irlanda dal Nord, surdat a la regina Elisabeth II. (1926-2022) en il Buckingham Palace a Londra ses accreditiv, 2 da december 2004.

Zum Anfang
L'accreditiv, scrit en latin, da papa Benedetg XVI. Il papa ha nominà ils 18 da zercladur 2011 l'archuvestg Diego Causero (1940) sco nunzi apostolic.

Zum Anfang
La presidenta da la Confederaziun Simonetta Sommaruga (1960) beneventa ils 13 d'october 2015 il nunzi apostolic Thomas Edward Gullickson (1950) a chaschun da la surdada da l'accreditiv.

Zum Anfang
Dus salters federals en lur unifurma caracteristica nizzegian in mument quiet durant la surdada da l'accreditiv per sa recrear.

Zum Anfang

Barcelona



L'onn 1847 ha il Cussegl federal nominà Henri Grellet sco emprim consul en Spagna (Barcelona). L'onn 2022 ha la Svizra festivà sia preschientscha nuninterrutta da 175 onns en la chapitala catalana. Bleras Svizras e blers Svizzers han influenzà la vita da la citad, intginas dad ellas ed els en moda duraivla. In exempel è Hans Max Gamper-Hässig, er enconuschent sco Joan Gamper u sco Kans Kamper. El ha fundà ils 29 da november 1899 in dals pli vegls e megliers clubs da ballape da l'istorgia: il FC Barcelona.
© EOS AF Orpinell&Sanchez

Zum Anfang

Baghdad

Sectur extern da l'ambassada svizra a Bagdad, Irac, 15 da zercladur 1950.

Zum Anfang

1980

Durant lur visita uffiziala da la Svizra maina il president da la Confederaziun Georges-André Chevallaz (1915–2002) ils 29 d'avrigl 1980 la regina Elisabeth II. (1926-2022) ed il prinzi Philip (1921–2021) en l'emprim plaun da la Chasa federala.


Zum Anfang

Mandati in qualità di potenza protettrice durante la Prima e la Seconda guerra mondiale

Blessads da guerra franzos èn – durant l'Emprima Guerra mundiala – en viadi tras la staziun da Genevra en in char da nunfimaders da la 3. classa da las Viafiers federalas. Els vegnan accumpagnads d'in represchentant dal Comité internaziunal da la Crusch Cotschna e d'in schuldà da l'Armada svizra. La fotografia è vegnida fatga l'onn 1915.

Zum Anfang
L'archuvestg Hilarion Capucci (1922–2017) benedescha ils vaschels dals schuldads mazzads. Sper el è l'ambassadur Edouard Brunner (1932–2007). La fotografia è vegnida fatga ils 6 da matg 1980 a l'eroport da Turitg-Kloten suenter il naufragi da l'acziun militara americana «Eagle Claw»: La finamira era da liberar ils 52 ostagis che vegnivan tegnids en fermanza en l'ambassada dals Stadis Unids a Teheran (Iran). L'acziun ha dentant custà la vita dad otg schuldads americans.


Zum Anfang
Ils 17 da schaner 2016 sorta a l'eroport da Genevra in um nunenconuschent d'ina Dassault Falcon 900EX da l'Armada svizra. En la vischinanza spetga in aviun da la regenza americana che duai manar enavos en ils Stadis Unids dus umens laschads libers il di avant en l'Iran

Zum Anfang

La Svizzera come mediatrice

Carl Lutz (1895–1975) è stà viceconsul e manader da la Partiziun per interess esters da la Delegaziun svizra a Budapest. Durant la Segunda guerra mundiala ha questa partiziun represchentà dal 1942 fin il 1945 ils interess da 14 pajais.
Carl Lutz ha emess millis da brevs da protecziun ed ha chattà en passa 70 chasas alloschis segirs per Gidieuas e Gidieus persequitads. El ha collavurà stretgamain cun diplomats d'auters pajais neutrals, cun la Jewish Agency e cun il delegà svizzer dal Comité internaziunal da la Crusch Cotschna Friedrich Born (1903–1963). A Budapest han circa 120'000 Gidieuas e Gidieus survivì la guerra. Fitg bleras dad ellas e dad els dastgan engraziar lur vita a Carl Lutz. Er cun il sustegn da sia dunna Gertrud Lutz (1910–1995) ha el gidà da zuppar, da proteger u da liberar Gidieuas e Gidieus.


Zum Anfang
L'ambassadur svizzer Emil Stadelhofer (1915–1977), a sanestra, negoziescha l'onn 1965 a Havanna en preschientscha d'in cussegliader militar da la ONU cun il minister da l'exteriur cuban Raúl Roa (1907–1982), entamez, davart ina cunvegna da fugitivs tranter la Cuba ed ils Stadis Unids da l'America. L'ambassadur svizzer è s'engaschà en moda decisiva che la cunvegna tranter ils dus pajais, che na da quel temp tgiran naginas relaziuns diplomaticas, è reussida.
Zum Anfang
L'ambassadura Heidi Tagliavini (1950) è vegnida nominada il zercladur 2014 dal schef dal Departament federal d'affars exteriurs (DFAE) sco incumbensada speziala dal presidi svizzer da la OSCE per l'Ucraina. Sin la fotografia sa chatta ella tranter l'anteriur president da l'Ucraina Leonid Kutschma (1938), l'anteriur parsura da la republica populara autoproclamada Donezk Alexander Sachartschenko (1976-2018), l'ambassadur russ en l'Ucraina Mikhail Zurabov (1953) ed il manader da la milissa da la republica populara autoproclamada Lugansk Igor Plotnitsky (1964). Heidi Tagliavini ha suttascrit ils 5 da settember 2014 per la CSCE il Protocol da Minsk.

Zum Anfang

Paris

Das Gebäude stammt aus dem Jahr 1705 und wurde von Pierre-Alexis Delamair (1676–1745) entworfen. Das prestigeträchtige Hôtel Chanac de Pompadour, auch bekannt als Hôtel de Besenval, wurde 1938 von der Schweiz erworben und zu einer Botschaft und Residenz umgebaut. Die ersten Schweizer Vertretungen im Ausland wurden 1798 in Paris eröffnet, wo es sich zunächst um eine Gesandtschaft handelte, die später zur Botschaft wurde, und in Bordeaux, wo das erste Konsulat eröffnet wurde.

Zum Anfang

La Paz

Fotografia da l'intern dal consulat a La Paz, cun maletgs da las Alps svizras, la fin dals onns 1940...

Zum Anfang
... sco er ina vista exteriura da l'ambassada svizra actuala a La Paz.
Zum Anfang

1963 L. B. Johnson

Il schef dal Departament politic da quella giada Friedrich Traugott Wahlen (1899–1985) è sa scuntrà il november 1963 cun il president american Lyndon B. Johnson (1908–1973) a chaschun da la sepultura dal president american John F. Kennedy (1917–1963).


Zum Anfang

1997

Il cusseglier federal Flavio Cotti (1939–2020) cun il president dals territoris palestinais occupads Jassir Arafat (1929–2004) tar ina scuntrada a Berna ils 15 da november 1997. Jassir Arafat ha visità la Svizra a chaschun d'ina scuntrada da mediaziun cun ils Stadis Unids da l'America.

Zum Anfang

5.1. Movimento internazionale della Croce Rossa e Convenzioni di Ginevra

Suenter che Henry Dunant (1828-1910) aveva experimentà las destrucziuns da la battaglia da Solferino (1859), ha el concludì da sa deditgar a la fundaziun d'ina societad per gidar ils schuldads blessads. Il 1863 ha Dunant fundà il Comité internaziunal per societads da succurs als schuldads blessads; enconuschenta dapi il 1876 sut il num Comité internaziunal da la Crusch Cotschna (CICC). Henry Dunant ha survegnì il 1901 il Premi Nobel da la pasch.

Zum Anfang
La liga da las societads da la Crusch cotschna (dapi l'onn 1991 «Federaziun internaziunala da las societads da la Crusch cotschna e da la Mesaglina cotschna») è vegnida fundada a Paris l'onn 1919. La federaziun ch'è vegnida fundada sin iniziativa da Henry P. Davison (1867–1922), il president da la giunta da guerra da la Crusch cotschna americana, ha sia sedia a Genevra. La fotografia mussa la conferenza da la liga da las societads da la Crusch cotschna, che ha gì lieu dals 2 fin ils 9 da mars 1920 en la chasa municipala da Genevra. Il tema da la conferenza èn stadas las situaziuns d'urgenza en Europa suenter l'Emprima Guerra mundiala.


Zum Anfang
Avertura da la Conferenza per la protecziun da las victimas da guerra, che ha gì lieu l'avust 1949 a Genevra. La finamira da la conferenza è stada quella, d'extender las mesiras da protecziun sin la populaziun civila e sin las victimas da conflicts interns en ils pajais pertutgads da guerra.

Zum Anfang
Sur la Crusch Cotschna ha la populaziun svizra regalà alloschis d'urgenza per las victimas dal terratrembel a Skopje. La fotografia mussa represchentantas e represchentants da la Crusch Cotschna svizra e da la Crusch Cotschna macedona davant il public a chaschun da l'avertura dals alloschis l'onn 1964.

Zum Anfang

6.4 Vertici Diplomatici

Il president Dwight David Eisenhower (1890–1969) e sia consorta Mamie Geneva Eisenhower (1896–1979) curt suenter lur arriv en Svizra avant la conferenza suprema da Genevra (18–23 da fanadur 1955). Ils conjugals èn vegnids beneventads ils 17 da fanadur 1955 dal president da la Confederaziun Max Petitpierre (1899–1994) e da sia dunna Antoinette Petitpierre (1903–2002). Quai è stada ina da las emprimas visitas uffizialas d'in president american en Svizra.


Zum Anfang
A chaschun da la conferenza suprema da Genevra (18–23 da fanadur 1955) è la delegaziun sovietica sa trategnida en la citad da Calvin, nua che las quatter naziuns victuras da la Segunda Guerra mundiala èn sa scuntradas: ils Stadis Unids da l'America, il Reginavel Unì, l'Uniun sovietica e la Frantscha.


Zum Anfang
Da dretga a sanestra: l'ambassadura americana Frances Elizabeth Willis (1899–1983), il president american Dwight David Eisenhower (1890–1969), il president da la Confederaziun Max Petitpierre (1899–1994), il primminister sovietic Nikolai Alexandrowitsch Bulganin (1895–1975), il minister da l'exteriur franzos Antoine Pinay (1891–1994) ed il primminister britannic Robert Anthony Eden (1897–1977) a chaschun da la conferenza suprema da Genevra (18–23 da fanadur 1955).
Zum Anfang
Il motiv per lur visita en Svizra è stada la conferenza suprema da Genevra dals 19 fin ils 20 da november 1985, a la quala il president american ed il secretari general da la partida communistica sovietica Michail Gorbatschow (1931-2022) èn sa scuntrads per l'emprima giada.

Zum Anfang
Il president da la Confederaziun Guy Parmelin (1959) sa chatta cun il president dals Stadis unids da l'America Joe Biden (1942) e cun il president da la Federaziun russa Wladimir Putin (1952) en la villa La Grange a Genevra a chaschun da la Conferenza suprema USA – Russia ils 16 da zercladur 2021

Zum Anfang
Ina collavuratura en la Villa La Grange prepara il tarpun cotschen per la scuntrada bilaterala tranter ils Stadis Unids da l'America e la Russia ils 16 da zercladur 2021.


Zum Anfang

Represchentanzas svizras

Nach oben scrollen
Nach links scrollen
Nach rechts scrollen
Nach unten scrollen
Zum Anfang

San Francisco

Local intern da la chanzlia a San Francisco, USA, cun persunal, 1946–1948

Atgnamain era la Svizra gia represchentada in America dal Nord dapi il 1822 cun consulats a Washington ed a New York. L'emprima ambassada svizra ordaifer l'Europa è vegnida averta il 1882 a Washington.

Zum Anfang
Schließen
L'edifizi modern ed experimental, cun ses concept da spazi unic ed innovativ, è in pionier per ses temp e pussibilitescha da lavurar en moda effizienta.

Zum Anfang

1998 Castro

Il president da la Confederaziun Flavio Cotti (1939–2020) cun l'anteriur president da la Republica da Cuba, il «Máximo Líder» Fidel Castro (1927–2016), ils 13 da matg 1998 a Berna. Fidel Castro ha visità la Svizra a chaschun dal giubileum da 50 onns da la WHO e da la WTO.

Zum Anfang

5.2. Società delle Nazioni

La sala da la Societad da las naziuns a Genevra durant l'emprima radunanza il november 1920.

Zum Anfang
Il cusseglier federal Giuseppe Motta (1871–1940) drizza l'onn 1935 in pled a la radunanza da la Societad da las naziuns a Genevra. El appartegneva dals onns 1912 fin 1940 al Cussegl federal ed ha presidià l'onn 1924 la radunanza da la Societad da las naziuns.

Zum Anfang
Ils 18 d'avrigl 1946 è la Societad da las naziuns sa radunada per l'ultima giada. Quest di è la Societad da las naziuns sa schliada suenter il pled final dal cusseglier federal Max Petitpierre (1899–1994), suenter ch'ella aveva existì durant 26 onns.

Zum Anfang

Brasilia

L'onn 1907 ha la Svizra avert ina represchentanza diplomatica a Rio de Janeiro. L'onn 1972 è ella vegnida dischlocada en la nova chapitala Brasilia. L'ambassada svizra a Brasilia è vegnida construida tranter 1977 e 1984. La Brasilia era in dals partenaris ils pli impurtants da la Svizra en l'America dal Sid ed è sa sviluppada durant il 19. tschientaner ad ina destinaziun impurtanta per emigrants svizzers. La cuminanza svizra en Brasilia è la segund gronda da l'America Latina. L'onn 2020 eran registrads 13 678 burgaisas e burgais svizzers.

Zum Anfang

Nairobi

Vista da l'intern e da l'exteriur da l'ambassada svizra a Nairobi, Kenia, construida tranter ils onns 2015 e 2016

Zum Anfang
Vista da l'intern e da l'exteriur da l'ambassada svizra a Nairobi, Kenia, construida tranter ils onns 2015 e 2016

Zum Anfang
Vista da l'intern e da l'exteriur da l'ambassada svizra a Nairobi, Kenia, construida tranter ils onns 2015 e 2016

Zum Anfang

1998 Chirac

Il president da la Confederaziun (1939–2020) ed il president da la Frantscha Jacques Chirac (1932–2019) a chaschun da sia visita uffiziala ils 29 d'october 1998 a Bellinzona.

Ils dus vegnan circumdads d'in salter federal sco er d'in salter dal chantun Tessin. Quai tradeschan las differentas colurs dals talars.

Zum Anfang

Adesione della Svizzera all’ONU

Il president da la Confederaziun Kaspar Villiger (1941) legia ses pled per l'Assamblea generala da la ONU durant il sgol da Turitg a Newark. Ils 10 da settember 2002 è la Svizra vegnida recepida uffizialmain sco 190. commembra da la ONU.


Zum Anfang
Suenter la participaziun da la Svizra a la ONU discurra il cusseglier federal Joseph Deiss (1946) venderdi, ils 13 da settember 2002, davant l'Assamblea generala da las Naziuns Unidas a New York.

Zum Anfang
Marianne Schnarwiler, manadra da project tar la Missiun svizra da la ONU a New York, mussa mesemna, ils 11 da settember 2002, la nova tavla davant l'entrada da la Missiun. La Svizra è vegnida recepida ils 10 da settember 2002 en la ONU. Perquai ha la «Missiun d'observaziun permanenta da la Svizra tar la ONU» midà ses num a «Missiun permanenta da la Svizra tar la ONU».

Zum Anfang
Bundespräsident Kaspar Villiger (1941) und Bundesrat Joseph Deiss (1946) an einer Medienkonferenz am 11. September 2002 in New York. An der Wand hängt ein Druck der Sondermarke, die die Schweizer Post anlässlich des UNO-Beitritts herausgab.

Zum Anfang
In di suenter la recepziun da la Svizra sco commembra cumplaina da la ONU, mesemna, ils 11 da settember 2002, è sia plazza en l'Assamblea generala da la ONU a New York vegnida munida cun ina tavla.

Zum Anfang
Ils 9 da zercladur 2022 ha il president da la Confederaziun Ignazio Cassis (1961) vuschà per l'elecziun da la Svizra sco in dals tschintg commembers betg permanents dal Cussegl da segirezza da la ONU per ils onns 2023 e 2024. La represchentanta permanenta da la Svizra tar la ONU, l'ambassadura Pascale Baeriswyl (1968) sesa a sanestra dad el.

Zum Anfang

Berlin

En Germania è l'ambassada svizra preschenta dapi il 1867, cura che las autoritads avevan decidì d'installar ina represchentanza diplomatica provisorica da la Svizra a Berlin. Suenter interrupziuns, durant las qualas l'ambassada è vegnida dischlocada a Bonn, a Köln e danovamain a Bonn, sa chatta ella oz puspè a Berlin. La fotografia mussa l'ambassada da l'onn 1946 cun ils donns ch'èn resultads durant la Segunda Guerra mundiala.

Zum Anfang

Seoul

Schließen
L'ambassada svizra a Seoul, Corea dal Sid, è vegnida construida l'onn 2019 tenor standards innovativs ed ecologics.

Zum Anfang

1985

Cornelio Sommaruga (1932), numnà l'onn 1984 sco secretari da stadi per l'economia exteriura, ha visità durant in viadi uffizial tras il Giapun, Kuala Lumpur, Bangkok e la Malaisia il favrer 1985 ina chasa da té tradiziunala a Kyoto ensemen cun auts funcziunaris guvernativs giapunais per affars economics bilaterals e multilaterals.

Zum Anfang

Ina delegaziun svizra a la CSCE sut la direcziun dal president da la Confederaziun Pierre Graber (1908-2003) sa chatta ils 30 da fanadur 1975 en la sala da conferenza da la Chasa Finlandia a Helsinki, avant la sesida d'avertura da la Conferenza suprema da l'Europa, a la quala participeschan 35 naziuns. Il president da la Confederaziun Graber ha suttascrit – ensemen cun ils auters delegads dals 34 stadis – l'Acta finala CSCE da Helsinki. e quai gist il Di da la festa naziunala svizra 1975.


Zum Anfang
Rudolf Bindschedler (1915–1991), ambassadur e parsura dal comité da coordinaziun da la Conferenza davart la segirezza e la cooperaziun en l'Europa (CSCE), presidiescha ils 8 da november 1980 la delegaziun svizra a la Conferenza da Genevra davart il Contract da bloccada d'armas atomaras. Or da la CSCE è resultada l'onn 1995 l'Organisaziun per la segirezza e la collavuraziun en l'Europa (OSCE).


Zum Anfang
Rinforzar la collavuraziun: Il cusseglier federal Didier Burkhalter (1960) e Le Loung Minh (1952), il secretari general da la Associaziun da las naziuns da l'Asia dal Sidost (ASEAN), dattan il maun a las ambassaduras ed als ambassadurs da la Tailanda, da las Filippinas, da Malaisia, da Brunei, da l'Indonesia, da Laos, da Singapur e dal Vietnam a chaschun d'ina visita uffiziala a Berna ils 13 da settember 2017 en la Chasa federala vest.
Zum Anfang
L'ambassadur Jürg Lauber (1963), represchentant permanent da la Svizra tar las Naziuns Unidas a Genevra, contempla ils 12 d'october 2020 in placat da l'exposiziun «100 onns multilateralissem a Genevra» davant il Palais des Nations, la sedia europeica da la ONU.

Zum Anfang
Il president da la Confederaziun Ignazio Cassis (1961) tegna il 1. da november 2021 in pled per l'avertura da l'Emna da la pasch da Genevra en la Maison de la Paix.

Zum Anfang
L'ambassadur Zenebe Kebede Korcho (1962), il represchentant permanent da l'Etiopia tar la ONU, tegna ils 17 da december 2021 in pled durant ina sesida speziala dal Cussegl dals dretgs umans da la ONU davart l'Etiopia. Pervia da la situaziun da sanadad mundiala na po el betg viagiar a Genevra e tegna perquai ses pled sur video.

Zum Anfang
Il minister da l'exteriur dals Stadis Unids Antony Blinken (1962) tegna il 1. da mars 2022 in pled da video durant la 49. dieta dal Cussegl dals dretgs umans da la ONU a la sedia europeica da la ONU a Genevra.

Zum Anfang

Canberra

L'ambassada svizra a Canberra è vegnida averta l'onn 1961. Durant ils decennis suandants ha l'ambassada surpiglià la responsabladad per las relaziuns diplomaticas cun plirs stadis insulars dal Pacific dal Sid: Nova Zelanda (1963 fin 1968), Stadi Independent da Papua Nova Guinea (1982 fin oz), Republica da Vanuatu (1982 fin oz), Republica da Kiribati (2004 fin oz), Republica da Nauru (2004 fin oz), Republica da las Inslas da Marshall (2008 fin 2019), Inslas da Salomon (2008 fin oz) e Tuvalu (2008 fin 2010).

Zum Anfang

Mosca

Schließen
L'ambassada svizra a Moscau, Russia, è vegnida inaugurada ils 18 da zercladur 2019 cun ina gronda festa, a la quala èn sa participadas numerusas persunalitads, tranter ellas il schef dal Departament federal d'affars exteriurs, Ignazio Cassis.

Zum Anfang

1994 Cotti Kinkel

Flavio Cotti (1939–2020), schef dal Departament federal d'affars exteriurs, discuta en chautschas da bogn cun ses collega d'uffizi tudestg Klaus Kinkel (1936–2019).

Zum Anfang

1977 Walter Scheel

Emploiads federals rasan ora il tarpun cotschen davant l'aviun dal president da la Republica Federala Tudestga, ch'è gist sa platgà sin l'eroport Berna-Belpmoos. Walter Scheel (1919–2016), il quart president da la Republica Federala Tudestga, e sia consorta dr. Mildred Scheel (1931–1985) èn stads dals 22 fin ils 24 da settember 1977 sin ina visita uffiziala en Svizra.


Zum Anfang

Konsularische Tätigkeiten für Schweizer Staatsangehörige im Ausland und Krisenmanagement

Il stab da crisa dal DFAE sa raduna mardi, ils 18 da november 1997, per discutar davart l'attatga terroristica a Luxor dal di avant. Il stab da crisa vegn manà da l'ambassadur Christian Blickenstorfer (1945).

Zum Anfang
Il cusseglier federal Joseph Deiss (1946) tschenta ils 13 da november 2001 in tschupè al mir da commemoraziun cun ils nums da las victimas al «Ground Zero» a New York.

Zum Anfang

1990 Thatcher

La primministra da la Gronda Britannia Margaret Thatcher (1925–2013) visita il settember 1990 la Svizra. Pertge mo rin ils fotografs?

Zum Anfang

Tätigkeit im Aussennetz der Schweiz

Nach den neuen Machtverhältnissen in Deutschland wurde ein Schild mit der Aufschrift «Swiss Legation» am Auto angebracht; folgend auf eine äusserst heikle Zeit, in der es auch zu moralisch fragwürdigen Zugeständnissen kam.

Zum Anfang
Paul Stauffer (1930–2008), ambassadur svizzer a Varsovia, è sa scuntrà cun papa Gion Paul II. (1920–2005), ch'è sa trategnì en Pologna dals 8 fin ils 14 da zercladur 1987.

Zum Anfang
Ina collavuratura dal Museum istoric tudestg a Berlin contempla il vestgì da stad cotschen da Shawne Borer-Fielding (1969), la dunna da l'anteriur ambassadur svizzer a Berlin, Thomas Borer (1957).. Il vestgì è surcusì cun perlas alvas en furma da la crusch svizra. La cumposiziun tutga a plirs vestgids da festa ch'ils conjugals han regalà a la collecziun dal museum.

Zum Anfang

1998 Hillary Clinton

Ils 15 da matg 1998 ha la first lady dals Stadis Unids da l'America Hillary Clinton (1947) inaugurà il medagliun Woodrow Wilson davant il Palais Wilson, la futura sedia da l'Autcumissariat da la ONU per ils dretgs umans. A sanestra sin il maletg è l'ambassadur svizzer Walter Gyger (1946).


Zum Anfang

Schließen
Ein Video der Rundschau von 1973 über die Suche nach Diplomaten. Man sieht auch die zukünftige Botschafterin Marianne von Grünigen als Botschaftssekretärin und Kulturattaché.
Zum Anfang

2001

Carla Del Ponte (1947) vegn beneventada ils 23 da schaner 2001 dal president jugoslav Vojislav Koštunica (1944). La finamira da la missiun delicata da trais dis era ina meglra collavuraziun cun la Federaziun jugoslava che refusava d'extrader l'anteriur president Slobodan Milošević (1941–2006). Quel mument era Carla Del Ponte schefaccusadra da la Curt penala internaziunala per l'anteriura Jugoslavia, ina funcziun ch'ella aveva dapi l'onn 1999. Ses temp d'uffizi ha durà fin l'onn 2007. Silsuenter è ella stada da l'onn 2008 fin l'onn 2011 ambassadura en Argentina.


Zum Anfang

1999 Jiang Zemin

Durant sia visita en Svizra s'inscuntra il president chinais Jiang Zemin (1926), accumpagnà d'ina delegaziun, ils 25 da mars 1999 la presidenta da la Confederaziun Ruth Dreifuss (1940). Cur ch'il president è arrivà a Berna, demonstravan activistas ed activists per la libertad dal Tibet. En ses pled uffizial ha el ditg pli tard che la Svizra haja pers in ami. Durant questa scuntrada hai dà pliras giadas bunamain ina crisa diplomatica.

Zum Anfang

Washington

L'ambassada svizra a Washington è vegnida construida l'onn 1959 da l'architect William Lescaze. La fotografia mussa l'areal da spetga da l'ambassada. A l'entrada dal biro da l'ambassadur cun la bandiera svizra penda ina plachetta en memoria da Louis-Joseph Chevrolet, l'enconuschent pilot da cursa ed interprendider svizzer, che ha acquistà il dretg da burgais dals Stadis Unids. Chevrolet ha fundà ina da las marcas d'auto las pli renumadas dal mund.
Zum Anfang

2022

Il president da la Confederaziun Ignazio Cassis (1961) visita ils 9 da favrer 2022, ensemen cun la presidenta dal Cussegl naziunal Irène Kälin (1987) e cun il president dal Comité internaziunal da la Crusch Cotschna Peter Maurer (1956), il Center per mesiras che genereschan entradas per persunas cun impediments ad Agadez, Niger.

Zum Anfang

2004 San Gallo

Havanna

L'onn 1902 è la Cuba daventada in pajais independent. La Svizra ha renconuschì immediatamain il stadi ed ha cumenzà relaziuns diplomaticas e consularas cun el. L'onn 1918 è vegnì avert in consulat, ch'è vegnì transfurmà pass per pass fin l'onn 1957 en in'ambassada. Tranter 1961 e 2015 ha la Svizra giugà ina rolla impurtanta en las relaziuns tranter ils Stadis Unids e la Cuba. Ils dus stadis avevan interrut lur relaziuns diplomaticas.
La residenza da l'ambassadur svizzer a Havanna è situada en in curtin cun ina flora tipica cubana.


Zum Anfang

2008 Congo

Il 3 maggio 2008 la hostess Simone Hoerni si occupa del consigliere federale Samuel Schmid e degli ambasciatori svizzeri Raimund Kunz e Hans-Rudolf Hodel (1953) a bordo dell’aereo del Consiglio federale durante il volo di ritorno da Goma a Kinshasa (Repubblica democratica del Congo).
Zum Anfang

2009 Medwedew

Mexico City

Questa fotografia mussa la residenza da l'ambassadur svizzer a Mexico-Citad cun la vopna svizra sin la fatschada vers la via. L'emprim consulat onurari svizzer a Mexico è vegnì avert l'onn 1827, il consulat general l'onn 1847. L'onn 1945 ha la Svizra avert ina delegaziun. Ella è vegnida transfurmada l'onn 1958 en in'ambassada. Ils onns 2020/2021 han la Svizra ed il Mexico festivà il giubileum da 75 onns da lur relaziuns diplomaticas. L'ambassada svizra a Mexico-Citad collavura cun ils consulats onuraris a Cancún, a Guadalajara ed a Monterrey e vegn sustegnida da quels.

Zum Anfang

1963 Zehnder Vevay

Durant ses segiurn dals 14 fin ils 20 da fanadur 1963 è Alfred Zehnder (1900–1983), ambassadur svizzer en ils Stadis Unids da l'America, sa participà ad ina parada en la citad americana Vevay. La citad ha ses num da Vevey en Svizra.

Zum Anfang

2022 Zofingen

Il president da la Confederaziun Ignazio Cassis (1961) cun la cussegliera federala Karin Keller-Sutter (1963) ils 14 da favrer 2022 a Zofingen durant la visita dal chancelier federal austriac Karl Nehammer (1972), ch'è vegnì accumpagnà dal guvernatur dal Vorarlberg Markus Wallner (1967).

Zum Anfang

2020 Bernerhof

La ministra per affars exteriurs ed integraziun regiunala da la Republica da la Ghana, Shirley Ayorkor Botschwey (1963), ed il president da la Republica da la Ghana, Nana Addo Dankwa Akufo-Addo (1944), vegnan beneventads da la presidenta da la Confederaziun Simonetta Sommaruga (1960) e dal cusseglier federal Ignazio Cassis (1961). La fotografia è vegnida fatga ils 28 da favrer 2020 durant ina visita uffiziala da dus dis dal schef da stadi ghanais en Svizra.
La fotografia documentescha la subscripziun d'ina decleraziun d'intenziun per cooperar en il sectur d'ambient.
Zum Anfang

2017 Ruanda

La ministra da l'exteriur ruandaisa Louise Mushikiwabo (1961) vegn beneventada dal cusseglier federal Didier Burkhalter (1960), schef dal Departament federal d'affars exteriurs. L'intent da la visita era in barat da notas en connex cun ina cunvegna tranter il Cussegl federal e la Regenza da la Republica da la Ruanda davart il traffic da lingia directa.


Zum Anfang

2003 Calmy-Rey Corea

Ils 20 da matg 2003 è la cussegliera federala Micheline Calmy-Rey (1945) sa rendida al cunfin tranter la Corea dal Sid e dal Nord. Ses arriv ha sveglià in grond interess tar las medias.
Sco emprima represchentanta estra d'ina regenza ha ella traversà la lingia da demarcaziun tranter la Corea dal Nord e la Corea dal Sid.
Zum Anfang

2017 Argentina

Ils 23 da schaner 2017 dattan la ministra da l'exteriur da la Republica da l'Argentina, Susana Malcorra (1954), ed il cusseglier federal Didier Burkhalter (1960) in a l'auter il maun durant ina visita uffiziala en la Chasa von Wattenwyl a Berna.

Zum Anfang

Cotti im Flugzeug

Il cusseglier federal Flavio Cotti (1939–2020) sa prepara – ensemen cun ses team – durant il gentar en l'aviun per ina scuntrada.

Zum Anfang

1912 Wilhelm II

Wilhelm II. (1859–1941), imperatur da la Germania e retg da la Prussia, en unifurma a chaschun d'ina visita uffiziala en Svizra il settember 1912.

Zum Anfang
Scrollen, um weiterzulesen Wischen, um weiterzulesen
Wischen, um Text einzublenden
Schließen
Übersicht
Nach links scrollen
Kapitel 2 Ils cumenzaments da la diplomazia

Ils cumenzaments da la diplomazia

Kapitel 3 Las represchentanzas

Represchentanzas svizras

Kapitel 5 Events e ceremonias

Events e ceremonias

Kapitel 6 Multilateralissem

Multilateralissem

Kapitel 7 Buns servetschs

Buns servetschs

Nach rechts scrollen
  • Bildrechte: Adrien Barakat, Anthony Basheer, Anton Thalmann, Archiv für Zeitgeschichte, BBL, Bundesarchiv BAR, Chris Lawton / Unsplash, DEZA, Daniel von Muralt, Dodis, EDA, EOS AF Orpinell&Sanchez, Edouard Rieben, Hans Sulzer, Keystone, Laurence Bovin, Leonardo Finotti, Parlamentsdienste, Privatarchiv Dieter Borer, Rafael Gamo, SRF