La diplomazia en il decurs dal temp

Il cusseglier naziunal Johann Konrad Kern (1808–1888) ha fatg ses emprims pass sin il palc internaziunal sco incumbensà spezial da la Svizra a Vienna l'onn 1848. A chaschun da l'Affera da Neuchâtel (1856–1857) ha el mussà sco represchentant diplomatic spezial da la Svizra grond inschign tar las tractativas a Paris. L'onn 1857 è el vegnì numnà dal Cussegl federal ambassadur extraordinari e minister cun plenipotenza da la Svizra a Paris ed ha occupà quest post diplomatic impurtant fin l'onn 1883. El vala sco il fundatur da la diplomazia professiunala da la Svizra.

Il diplomat e giurist svizzer Alfred de Claparède (1842–1922) è stà dal 1869 fin il 1888 a Berlin ed è daventà l'onn 1883 incaricà da fatschentas a Vienna. Pli tard è el stà minister svizzer a Washington (1888–1893), a Vienna (1893) ed a Berlin (1904–1917). El vala sco in dals emprims diplomats professiunals da la Svizra: cuntrari a ses collegas n'era el numnadamain betg er anc parlamentari.

Il cusseglier federal Giuseppe Motta (1871-1940) cun il marschal franzos Philippe Pétain (1856-1951), victur da la battaglia da Verdun (21 da favrer-19 da december 1916) durant il defilé da l'Armada svizra ils 9 da settember 1937 a Le Mont-sur-Lausanne.

Schuldads blessads vegnan transportads tras la Svizra en in tren da las Viafiers federalas e da la Crusch Cotschna Svizra.

L'onn 1940 ha la Germania occupà la Norvegia e fundà il «Reichskommissariat» Norvegia. Cun la liberaziun dal pajais l'onn 1945 ha cumenzà in temp da l'agid umanitar da tut il mund. Er la Svizra è sa participada.

Persunas basegnusas davant las baraccas da la «Donaziun svizra» a Cologna suenter la Segunda Guerra mundiala. Tenor la missiva dal Cussegl federal dal 1. da december 1944 dueva la «Donaziun svizra» pussibilitar da demussar la solidaritad da la populaziun svizra cun tut las victimas da la Segunda Guerra mundiala. L'acziun da rimnada ha durà da 1944 fin 1948.

Agid medicinal dal CICC en il territori da crisa dal Bengal, India. In medi svizzer examinescha in uffant sin ina simpla maisa al liber – la medischina necessaria è pronta dasperas.

Hanoi, Vietnam dal Nord, anteriura Indochina: Il delegà dal CICC André Durand (1912-2008) visita persunas blessadas en in lazaret. Da 1962 fin 1970 è Durand stà delegà general per il CICC en l'Asia ed ha manà la missiun speziala dal CICC en il Giapun. Da 1970 fin 1977 ha el scrit il segund tom da l'istorgia dal CICC, «De Sarajevo à Hiroshima», ch'è vegnì publitgà l'onn 1978 da l'Institut Henry Dunant.

Exposiziun dal UNHCR davart missiuns d'agid e davart dumondas da fugitivs a Genevra. Sin il maletg l'autcumissari dal UNHCR Gerrit Jan van Heuven Goedhart (1901-1956) a chaschun d'ina visita. El era in diplomat, schurnalist e politicher ollandais ed è vegnì nominà ils 14 da december 1950 sco emprim autcumissari per ils fugitivs en l'istorgia da las Naziuns Unidas.

Rimnada da vestgadira e da rauba d'agid a Berna per las victimas da la revolta ungaraisa. La revolta ungaraisa cunter il reschim sovietic en il pajais ha durà dals 23 d'october 1956 fin ils 11 da november 1956. Tschientmillis d'Ungaraisas ed Ungarais han bandunà lur pajais e tschertgà refugi en pajais da l'Europa dal Vest.

En l'edifizi da la Crusch Cotschna a Genevra: Emploiadas ed emploiads a chaschun d'ina discussiun davart la situaziun per l'acziun d'agid a Banja Luka, anteriura Jugoslavia. Er la vestgadira permetta da datar questa fotografia en ils onns sessanta. Da quel temp vegnivi anc fimà en ils biros…

Biafra, Nigeria: Acziun d'agid per las victimas da la regiun turmentada da fomaz e da guerra civila. In medi cun l'emblem da la Crusch Cotschna dischinfectescha uffants.

Ndjamena, Tschad: Discussiun dal Corp svizzer d'agid umanitar (CSA) davart la situaziun per sia emprima acziun en il Sahel. A partir da 1962 è l'agid al lieu vegnì rinforzà cuntinuadamain, l'emprim grazia ad organisaziuns privatas ed a missiuns religiusas, pli tard tras l'agid umanitar da la Confederaziun en ils secturs dal svilup rural, da la furmaziun e da la sanadad.

Conferenza da pressa a chaschun da la transmissiun da schuldads svizzers betg unifurmads e betg armads, previs per accumpagnar in convoi d'agid en l'Uniun sovietica. Da sanestra a dretga: cusseglier federal René Felber (1933-2020), schef dal Departament federal d'affars exteriurs (DFAE), vicechancelier da la Confederaziun Achille Casanova (1941-2016) sco er cusseglier federal Kaspar Villiger (1941), schef dal Departament federal da militar (DFM).

Suenter il terratrembel dal 1. da matg 2003 en Tirchia tschertga in chaun dal Corp svizzer d'agid umanitar persunas sutterradas.

Il 1. d'october 2009 sa preparan var 120 gidantras e gidanters per la missiun d'agid en l'Indonesia ch'è vegnida pertutgada d'in terratrembel da la fermezza 7,6 e d'in grond tsunami. A la basa da la Rega sin la plazza aviatica da Turitg survegnan las commembras ed ils commembers dal Corp svizzer d'agid umanitar (CSA) l'equipament necessari per lur engaschi.

Suenter il terratrembel davant la costa da Sumatra tschertgan commembers da la chadaina da salvament svizra cun chauns persunas sutterradas en la citad indonesiana Padang, 3 d'october 2009.

Suenter il terratrembel davant la costa da Sumatra tschertgan commembers da la chadaina da salvament svizra cun chauns persunas sutterradas en la citad indonesiana Padang, 3 d'october 2009.

Ils convois d'agid svizzers cun material medicinal per cumbatter la tuberculosa èn pronts ils 3 da settember 2014 per il transport a Luhansk (Ucraina).

In team dal Corp svizzer d'agid umanitar è viagià en l'Ecuador per gidar las victimas dal terratrembel dals 16 d'avrigl 2016. La fotografia mussa las preparaziuns per reparter canisters d'aua a la populaziun.

La Direcziun da svilup e da cooperaziun (DSC) dal Departament federal d'affars exteriurs (DFAE) surdat ils 18 da fanadur 2016 dudesch novas ambulanzas a la Mesaglina Cotschna araba siriana (SARC).

Las forzas d'acziun dal Corp svizzer d'agid umanitar (CSA) sa preparan ils 4 d'october 2018 a l'eroport da Berna-Belp per il sgol a Sulawesi (Indonesia). L'agid umanitar da la Confederaziun trametta in team da tschintg expertas ed experts e 900 kilos material en la regiun ch'è pertutgada d'in terratrembel e d'in tsunami.

En la proclamaziun dals 3 da schaner 1857 ha il president da la Confederaziun Constant Fornerod (1819–1899) proclamà al pievel Svizzer en num dal Cussegl federal l'accumadaziun paschaivla da l'Affera da Neuchâtel (1856–1857).

Sin supplica da Napoleon III. (1808–1873) ha la Prussia spustà ed alura definitivamain terminà la mobilisaziun. Il mars 1857 è suandada la Conferenza da Paris da las pussanzas grondas, a las qualas il cusseglier naziunal Johann Konrad Kern (1808–1888) ha participà sco represchentant dal Cussegl federal. Il conflict è la fin finala vegnì terminà cun la renunzia dal retg Friedrich Wilhelm IV. (1795–1861) a ses possess a Neuchâtel. Che la Svizra n'ha la finala betg defendì ses dretgs militaricamain, mabain ha surlaschà ses destin a la diplomazia internaziunala, è vegnì crititgà per part fermamain en la publicitad svizra.

Il president da la Confederaziun Max Petitpierre (1899–1994) beneventa l'ambassadur chinais Wu Nan-Ju al bainvegni da Bumaun, schaner 1950.

Lou Kaddar, cussegliadra da l'ambassadur israelian Eliahu Sasson (1902–1978), surdat al president da la Confederaziun Friedrich Traugott Wahlen (1899–1985) ses megliers giavischs e quels da ses pajais.

Il Cussegl federal envida las scheffas ed ils schefs da missiun ch'èn accreditads a Berna, mintga onn ad ina tschaina, a la quala sa participeschan fin 200 persunas. L'ambassadur tailandais Chitti Sucharitakul e sia consorta vegnan beneventads l'onn 1961 dal president da la Confederaziun Friedrich Traugott Wahlen (1899–1985).

Il president da la Confederaziun Ludwig von Moos (1910–1990) ed il schef da protocol Charles-Albert Wetterwald (1916–1999) dattan il bainvegni a las commembras ed als commembers vestids en moda festiva dal corp diplomatic al bainvegni da Bumaun dal 1. da schaner 1969.

Al bainvegni da Bumaun per il corp diplomatic sa participescha mintgamai er il doyen dal corp. La fotografia mussa il nunzi apostolic Edoardo Rovida (1927) cun il president da la Confederaziun Alphons Egli (1924–2016) e cun il schef da protocol Johannes Jakob Manz (1938) al bainvegni da Bumaun en la Chasa federala, schaner 1986.

Emploiadas ed emploiads federals rasan ora il tarpun cotschen per il bainvegni da Bumaun per il corp diplomatic, 9 da schaner 1986.

Il president da la Confederaziun Flavio Cotti (1939–2020) salva in pled davant il corp diplomatic reunì a chaschun dal bainvegni da Bumaun en la Chasa federala, 1991.

Ruth Dreifuss (1940), emprima presidenta da la Confederaziun da la Svizra, beneventa ils 11 da schaner 1999 las represchentantas ed ils represchentants dal corp diplomatic dal Giapun al bainvegni da Bumaun.

Jinyi Dong, l'ambassadur chinais en Svizra, ed il president da la Confederaziun Pascal Couchepin (1942) contemplan ils 25 d'avrigl 2008 la lavur d'ina emploiada da la firma Maxon Motor. Var 200 ambassaduras ed ambassadurs accreditads a Berna visitan l'interpresa da hightec a Sachseln sin invit dal president da la Confederaziun Pascal Couchepin e da la cussegliera federala Micheline Calmy-Rey (1945).

L'ambassadura Nathalie Marti, scheffa da protocol dal 2012 fin il 2016, salida ils commembers dal corp diplomatic d'Eswatini.

Wilhelm II. (1859–1941), imperatur da la Germania e retg da la Prussia, a chaschun d'ina visita uffiziala en Svizra il settember 1912 ensemen cun il president da la Confederaziun Ludwig Forrer (1845–1921) davant la catedrala da Berna.

Foto da gruppa da tut las collavuraturas e collavuraturs da l'ambassada svizra a Washington l'onn 1918.

L'ambassadur Alfred Zehnder (1900–1983) en accumpagnament dal 35. president american John F. Kennedy (1917–1963) a chaschun da sia visita da preschentaziun ils 5 d'avrigl 1963 en il portic da la Chasa alva.

Durant sia visita uffiziala da la Svizra salida il president da la Republica Federala Tudestga Heinrich Lübke (1894–1972) ils 6 da fanadur 1961 ina brajada d'uffants en il vitg bernais Etzelkofen.

Il cusseglier federal Max Petitpierre (1899–1994), schef dal corp diplomatic, salva l'onn 1949 la Conferenza da las ministras e dals ministers annuala en la Chasa federala.

Il president da la Confederaziun Friedrich Traugott Wahlen (1899–1985) cun ambassadurs durant l'excursiun annuala. La fotografia fatga l'onn 1961 mussa il president da la Confederaziun Wahlen cun ina chaschola da chaschiel d'Emmental a Langnau.

La Svizra aveva decidì da trametter – ensemen cun la Svezia – schuldads betg armads che duevan survegliar che l'armistizi tranter las duas Coreas vegnia observà. Actualmain sa chattan anc tschintg schuldads en la zona demilitarisada tranter ils dus stadis coreans.

Litinent René Häusler e litinent Daniel Furrer stattan davant l'entrada dal camp svizzer-svedais a Panmunjom, 19 da fanadur 1983. Panmunjom sa chatta sin il cunfin tranter la Corea dal Sid e la Corea dal Nord, nua che l'armistizi è vegnì suttascrit l'onn 1953 per terminar la guerra da la Corea (1950–1953). La Svizra e la Svezia appartegnan a la Cumissiun da surveglianza neutrala (NNSC) che surveglia che l'armistizi tranter las duas Coreas vegnia observà.

La cussegliera federala Micheline Calmy-Rey (1945) è stada l'emprima commembra d'ina regenza estra che ha traversà ils 20 da matg 2003 a Panmunjom la lingia da demarcaziun tranter la Corea dal Sid e dal Nord.

Marianne von Grünigen (1936) è stada dal 1987 fin il 1997 ambassadura svizra en Finlanda, en Egipta ed accredità en il Sudan. L'onn 1997 ha ella surpiglià la direcziun da la delegaziun svizra tar l'Organisaziun per la segirezza e la collavuraziun en l'Europa (OSCE) e tar la Missiun permanenta da la Svizra tar las Naziuns Unidas e tar las organisaziuns internaziunalas a Vienna. Suenter Francesca Pometta (1926–2016) è ella stada la segunda dunna en la diplomazia svizra.

La cussegliera federala Elisabeth Kopp (1936-2023) è sa scuntrada cun il president american Ronald Reagan (1911–2004) a chaschun da sia visita a Washington ils 9 da november 1987.

La cussegliera federala Micheline Calmy-Rey (1945) retschaiva las duas Svizras ed ils dus Svizzers ch'èn vegnids tegnids en fermanza d'islamists algerians en la Sahara ensemen cun burgaisas e burgais tudestgs ed ollandais durant quasi sis mais. La liberaziun è reussida grazia a stentas communablas e diplomaticas.

L'anteriur secretari general da la ONU Kofi Annan (1938–2018) discutescha cun l'anteriura presidenta da la Confederaziun Ruth Dreifuss (1940) avant la surdada da la medaglia «Genève Reconnaissante» ils 28 da matg 2009 a Genevra. Las duas persunalitads èn vegnidas undradas da la Regenza da la citad da Genevra pervia da lur engaschament e da lur solidaritad envers las persunas las pli flaivlas e basegnusas sco er pervia da lur contribuziun a la reputaziun da la citad da Genevra.

La secretaria da stadi Livia Leu (1961) è stada l'emprima ambassadura svizra en l'Iran (2009–2013). Dal 2013 fin il 2018 è ella stada la delegada dal Cussegl federal per contracts da commerzi tar il Secretariat da stadi per l'economia (SECO). L'onn 2018 ha ella midà, sco emprima ambassadura svizra, en Frantscha, nua ch'ella è restada fin l'onn 2020.

Tgi sesa sper tgi? Co è la dispoisziun da las maisas? Tge flurs èn adattadas? Cura èsi d'envidar las chandailas? La preparaziun d'in banchet dependa da mintga detagl! Responsabel per quai è il protocol.

L'ambassadur Pascal Frochaux (1912–2010) cun il president senegalais Léopold Sédar Senghor (1906–2001) e cun ses collavuraturs – minister da l'exteriur, schef dal protocol presidial e schef dal protocol exteriur – tar la surdada da l'accreditiv, 1966.

Ils 13 da schaner 1999 contempla Flavio Cotti (1939–2020), ensemen cun il schef dal protocol, il signur ambassadur Daniel von Muralt, il tarpun da paraid cun ses purtret en il Salon de la présidence. Anc il medem di communitgescha el sia demissiun.

Alexis Lautenberg (1945), ambassadur svizzer en la Gronda Britannia ed en l'Irlanda dal Nord, surdat a la regina Elisabeth II. (1926-2022) en il Buckingham Palace a Londra ses accreditiv, 2 da december 2004.

L'accreditiv, scrit en latin, da papa Benedetg XVI. Il papa ha nominà ils 18 da zercladur 2011 l'archuvestg Diego Causero (1940) sco nunzi apostolic.

La presidenta da la Confederaziun Simonetta Sommaruga (1960) beneventa ils 13 d'october 2015 il nunzi apostolic Thomas Edward Gullickson (1950) a chaschun da la surdada da l'accreditiv.

Dus salters federals en lur unifurma caracteristica nizzegian in mument quiet durant la surdada da l'accreditiv per sa recrear.

L'archuvestg Hilarion Capucci (1922–2017) benedescha ils vaschels dals schuldads mazzads. Sper el è l'ambassadur Edouard Brunner (1932–2007). La fotografia è vegnida fatga ils 6 da matg 1980 a l'eroport da Turitg-Kloten suenter il naufragi da l'acziun militara americana «Eagle Claw»: La finamira era da liberar ils 52 ostagis che vegnivan tegnids en fermanza en l'ambassada dals Stadis Unids a Teheran (Iran). L'acziun ha dentant custà la vita dad otg schuldads americans.

Ils 17 da schaner 2016 sorta a l'eroport da Genevra in um nunenconuschent d'ina Dassault Falcon 900EX da l'Armada svizra. En la vischinanza spetga in aviun da la regenza americana che duai manar enavos en ils Stadis Unids dus umens laschads libers il di avant en l'Iran

L'ambassadur svizzer Emil Stadelhofer (1915–1977), a sanestra, negoziescha l'onn 1965 a Havanna en preschientscha d'in cussegliader militar da la ONU cun il minister da l'exteriur cuban Raúl Roa (1907–1982), entamez, davart ina cunvegna da fugitivs tranter la Cuba ed ils Stadis Unids da l'America. L'ambassadur svizzer è s'engaschà en moda decisiva che la cunvegna tranter ils dus pajais, che na da quel temp tgiran naginas relaziuns diplomaticas, è reussida.

L'ambassadura Heidi Tagliavini (1950) è vegnida nominada il zercladur 2014 dal schef dal Departament federal d'affars exteriurs (DFAE) sco incumbensada speziala dal presidi svizzer da la OSCE per l'Ucraina. Sin la fotografia sa chatta ella tranter l'anteriur president da l'Ucraina Leonid Kutschma (1938), l'anteriur parsura da la republica populara autoproclamada Donezk Alexander Sachartschenko (1976-2018), l'ambassadur russ en l'Ucraina Mikhail Zurabov (1953) ed il manader da la milissa da la republica populara autoproclamada Lugansk Igor Plotnitsky (1964). Heidi Tagliavini ha suttascrit ils 5 da settember 2014 per la CSCE il Protocol da Minsk.

La liga da las societads da la Crusch cotschna (dapi l'onn 1991 «Federaziun internaziunala da las societads da la Crusch cotschna e da la Mesaglina cotschna») è vegnida fundada a Paris l'onn 1919. La federaziun ch'è vegnida fundada sin iniziativa da Henry P. Davison (1867–1922), il president da la giunta da guerra da la Crusch cotschna americana, ha sia sedia a Genevra. La fotografia mussa la conferenza da la liga da las societads da la Crusch cotschna, che ha gì lieu dals 2 fin ils 9 da mars 1920 en la chasa municipala da Genevra. Il tema da la conferenza èn stadas las situaziuns d'urgenza en Europa suenter l'Emprima Guerra mundiala.

Avertura da la Conferenza per la protecziun da las victimas da guerra, che ha gì lieu l'avust 1949 a Genevra. La finamira da la conferenza è stada quella, d'extender las mesiras da protecziun sin la populaziun civila e sin las victimas da conflicts interns en ils pajais pertutgads da guerra.

Sur la Crusch Cotschna ha la populaziun svizra regalà alloschis d'urgenza per las victimas dal terratrembel a Skopje. La fotografia mussa represchentantas e represchentants da la Crusch Cotschna svizra e da la Crusch Cotschna macedona davant il public a chaschun da l'avertura dals alloschis l'onn 1964.

A chaschun da la conferenza suprema da Genevra (18–23 da fanadur 1955) è la delegaziun sovietica sa trategnida en la citad da Calvin, nua che las quatter naziuns victuras da la Segunda Guerra mundiala èn sa scuntradas: ils Stadis Unids da l'America, il Reginavel Unì, l'Uniun sovietica e la Frantscha.

Da dretga a sanestra: l'ambassadura americana Frances Elizabeth Willis (1899–1983), il president american Dwight David Eisenhower (1890–1969), il president da la Confederaziun Max Petitpierre (1899–1994), il primminister sovietic Nikolai Alexandrowitsch Bulganin (1895–1975), il minister da l'exteriur franzos Antoine Pinay (1891–1994) ed il primminister britannic Robert Anthony Eden (1897–1977) a chaschun da la conferenza suprema da Genevra (18–23 da fanadur 1955).

Il motiv per lur visita en Svizra è stada la conferenza suprema da Genevra dals 19 fin ils 20 da november 1985, a la quala il president american ed il secretari general da la partida communistica sovietica Michail Gorbatschow (1931-2022) èn sa scuntrads per l'emprima giada.

Il president da la Confederaziun Guy Parmelin (1959) sa chatta cun il president dals Stadis unids da l'America Joe Biden (1942) e cun il president da la Federaziun russa Wladimir Putin (1952) en la villa La Grange a Genevra a chaschun da la Conferenza suprema USA – Russia ils 16 da zercladur 2021

Ina collavuratura en la Villa La Grange prepara il tarpun cotschen per la scuntrada bilaterala tranter ils Stadis Unids da l'America e la Russia ils 16 da zercladur 2021.

Il cusseglier federal Giuseppe Motta (1871–1940) drizza l'onn 1935 in pled a la radunanza da la Societad da las naziuns a Genevra. El appartegneva dals onns 1912 fin 1940 al Cussegl federal ed ha presidià l'onn 1924 la radunanza da la Societad da las naziuns.

Ils 18 d'avrigl 1946 è la Societad da las naziuns sa radunada per l'ultima giada. Quest di è la Societad da las naziuns sa schliada suenter il pled final dal cusseglier federal Max Petitpierre (1899–1994), suenter ch'ella aveva existì durant 26 onns.

Vista da l'intern e da l'exteriur da l'ambassada svizra a Nairobi, Kenia, construida tranter ils onns 2015 e 2016

Vista da l'intern e da l'exteriur da l'ambassada svizra a Nairobi, Kenia, construida tranter ils onns 2015 e 2016

Suenter la participaziun da la Svizra a la ONU discurra il cusseglier federal Joseph Deiss (1946) venderdi, ils 13 da settember 2002, davant l'Assamblea generala da las Naziuns Unidas a New York.

Marianne Schnarwiler, manadra da project tar la Missiun svizra da la ONU a New York, mussa mesemna, ils 11 da settember 2002, la nova tavla davant l'entrada da la Missiun. La Svizra è vegnida recepida ils 10 da settember 2002 en la ONU. Perquai ha la «Missiun d'observaziun permanenta da la Svizra tar la ONU» midà ses num a «Missiun permanenta da la Svizra tar la ONU».

Bundespräsident Kaspar Villiger (1941) und Bundesrat Joseph Deiss (1946) an einer Medienkonferenz am 11. September 2002 in New York. An der Wand hängt ein Druck der Sondermarke, die die Schweizer Post anlässlich des UNO-Beitritts herausgab.

In di suenter la recepziun da la Svizra sco commembra cumplaina da la ONU, mesemna, ils 11 da settember 2002, è sia plazza en l'Assamblea generala da la ONU a New York vegnida munida cun ina tavla.

Rudolf Bindschedler (1915–1991), ambassadur e parsura dal comité da coordinaziun da la Conferenza davart la segirezza e la cooperaziun en l'Europa (CSCE), presidiescha ils 8 da november 1980 la delegaziun svizra a la Conferenza da Genevra davart il Contract da bloccada d'armas atomaras. Or da la CSCE è resultada l'onn 1995 l'Organisaziun per la segirezza e la collavuraziun en l'Europa (OSCE).

Rinforzar la collavuraziun: Il cusseglier federal Didier Burkhalter (1960) e Le Loung Minh (1952), il secretari general da la Associaziun da las naziuns da l'Asia dal Sidost (ASEAN), dattan il maun a las ambassaduras ed als ambassadurs da la Tailanda, da las Filippinas, da Malaisia, da Brunei, da l'Indonesia, da Laos, da Singapur e dal Vietnam a chaschun d'ina visita uffiziala a Berna ils 13 da settember 2017 en la Chasa federala vest.

L'ambassadur Jürg Lauber (1963), represchentant permanent da la Svizra tar las Naziuns Unidas a Genevra, contempla ils 12 d'october 2020 in placat da l'exposiziun «100 onns multilateralissem a Genevra» davant il Palais des Nations, la sedia europeica da la ONU.

Il president da la Confederaziun Ignazio Cassis (1961) tegna il 1. da november 2021 in pled per l'avertura da l'Emna da la pasch da Genevra en la Maison de la Paix.

L'ambassadur Zenebe Kebede Korcho (1962), il represchentant permanent da l'Etiopia tar la ONU, tegna ils 17 da december 2021 in pled durant ina sesida speziala dal Cussegl dals dretgs umans da la ONU davart l'Etiopia. Pervia da la situaziun da sanadad mundiala na po el betg viagiar a Genevra e tegna perquai ses pled sur video.

Il minister da l'exteriur dals Stadis Unids Antony Blinken (1962) tegna il 1. da mars 2022 in pled da video durant la 49. dieta dal Cussegl dals dretgs umans da la ONU a la sedia europeica da la ONU a Genevra.

Il cusseglier federal Joseph Deiss (1946) tschenta ils 13 da november 2001 in tschupè al mir da commemoraziun cun ils nums da las victimas al «Ground Zero» a New York.

Paul Stauffer (1930–2008), ambassadur svizzer a Varsovia, è sa scuntrà cun papa Gion Paul II. (1920–2005), ch'è sa trategnì en Pologna dals 8 fin ils 14 da zercladur 1987.

Ina collavuratura dal Museum istoric tudestg a Berlin contempla il vestgì da stad cotschen da Shawne Borer-Fielding (1969), la dunna da l'anteriur ambassadur svizzer a Berlin, Thomas Borer (1957).. Il vestgì è surcusì cun perlas alvas en furma da la crusch svizra. La cumposiziun tutga a plirs vestgids da festa ch'ils conjugals han regalà a la collecziun dal museum.